ف اتصال تلوفوني اتكلم البواه مع النايب ف البرلمان الصحراوي السيد
التاقي مولاي اللي ثمن التجربة لعلامية اجديدة و قال انها فخر اكبير للشعب
الصحراوي انو اتعود عندو نفيدة اعلى الانترنت اتجيبلو لخبار باللهجة الحسانية.
و صرح النايب البرلماني اعلن "هذا الموقع لاهي اتعود عندو اهمية
اكبيرة و هذا نابع اصلا من فكرتو اللولا اللي تخدم القضية الوطنية اولا و تحافظ
على موروثنا الثقافي، كيف العالم كامل اللي عاد امقونن لهجاتو و امعدل لها قواميس
خاصة و امخصص الها معاهد و متاحف لحفظها من الاندثار و الضياع".
و قال التاقي اعلن البواه تجربة صحراوية اصيلة محتاجة للدعم و التشجيع
و المساعدة من الجهات الرسمية اللي لها صلة بالاعلام و الثقافة و اطلب ف نهاية
اكلامو " المثقفين الصحراويين كاملين اعلنهم يدلو ادلاهم ف البواه و لا
يبخلوه شي يلين كانو يوقف اعلى كرعيه مع المواقع الصحراوية المشهورة ف الساعة
الاعلامية
0 التعليقات:
إرسال تعليق